Komisioni Parlamentar i Reformës Zgjedhore zhvilloi një mbledhje online paraditen e kësaj të mërkure, ku pjesë u bënë dhe përfaqësuesit e disa ambasadave, OSBE/ODIHIR-it dhe delegacionit të BE.<br /><br />Më shume se për çështjet konkrete, në këtë takim, siç pohoi bashkëdrejtuesi socialist Damian Gjiknuri, u bë analizë e çështjeve të dakordësuara më herët.<br /><br />Por për opozitën jashtë parlamentit, kjo mbledhje është nul, siç shprehet për Televizionin Klan anëtari demokrat i Këshillit Politik, Oerd Bylykbashi.<br /><br />Por edhe pse të dyja palët janë të vetëdijshme për rëndësinë që ka mbledhja e Këshillit Politik për të vijuar me reformën, deri më tani socialistët dhe demokratët akuzojnë njëra-tjetrën për mungesë vullneti për t?u ulur në tryezë e për të vijuar aty ku e lanë përpara shpalljes së pandemisë.<br /><br />Gjiknuri deklaron se mazhoranca është e gatshme ta kalojnë dhe të vetëm reformën, që është kusht për çeljen e negociatave dhe kujton kartonat jeshilë që kanë në dispozicion në Kuvend.<br /><br />Bylykbashki thotë se gjithsesi kjo mbledhje mund të vijë në ditët në vijim, por nuk pranon asnjë kërcënim nga mazhoranca. Ai kujton se marrëveshja është e qartë, Kuvendi thjeshtë do të votojë një dokument të dakordësuar jashtë tij, mes palëve.<br /><br />Komplet jashtë kësaj rryme është Rudina Hajdari, që deklaron se mbledhja e Këshillit Politik është e panevojshme.<br /><br />Çështje të rëndësishme që ende nuk kanë gjetur dakordësinë e palëve janë depolitizimi i administratës zgjedhore. Sipas mazhorancës, me propozimet e saj, opozita jashtë po kërkon të cënojë reformën zgjedhore ndërsa propozimi i tyre sipas Gjiknurit e ndan politikën njëherë e mirë nga futja e duarve në administrimin e zgjedhjeve.<br /><br />Por demokratët nuk e shohin këtë si garanci.<br /><br />Nuk është e qartë se kur do të jetë gati drafti. Por Bylykbashi pohon se opozita insiston në krijimin e një qeverie kujdestare para zgjedhjeve.<br /><br />Tv Klan
